Helenè Bester

LENTE IS OPPAD!

2011-08-22T10:51:00.002+02:00

Ja, my laaste pos het nog gehandel oor die koue winter en nou is dit amper September! Kan nie glo nie! Dit sal lekker wees om weer kort moue te dra en knie-broeke! Ek's 3 & 4 September by die Gariep-fees. Kom maak gerus 'n draai. Saterdagaand 19:00 by die WHAG-teater en Sondag 12:00, by dieselfde plek!! Sien uit om julle te ontmoet. Die naweek daar op is ek in Sasolburg vir 'n damesoggend. So hou gerus my webwerf dop vir kontak-inligting, indien jul hierdie vertonings wil bywoon. En as jy in die Johannesburg-area woon en Woensdag-oggend, 21 September oop is, kom kyk na my by die N.G.-kerk Linden! Mag hierdie vir jou 'n wonderlike lente wees! Helene

WINTERRRRRRRRRRRR

2011-06-07T16:53:00.002+02:00

Jip!! Dis koud, baie koud. Dit mag dalk vanaand en more begin reen.... En ek is siek.... Lekker siek. Hierdie winter het begin met 'n paar opwindende vertonings by kerke. Die gemeentes doen regtig moeite en dankie vir die goeie bywoning! Hierdie naweek is ek in Springs en volgende naweek in Kemptonpark. In Julie maak ek 'n vinnige draai by "Innibos" en dan ook by die Erfdeel Plaasteater, net so buite Alberton. Einde Julie het ek die voorreg om die Marais Viljoen skoolkoor, te ontmoet, hulle sing in 'n voorprogram van my, by die Alberton burgersentrum! Hierdie vertoning is ten bate van die Reddersburg-kinderhuis. 12 Augustus durf ek die mooie Kaap aan! Kom luister na Hilandi du Toit se goeie begeleiding en raak (nes ek), verlief op die dorpie Wellington! Kyk gerus na die verdere inligting, hier op my webblad. Dan is daar ook natuurlik die Diva-vertonings vanaf Sept.! Praat weer later en skryf gerus 'n brief of twee! Helene

Herfs

2011-03-08T20:37:00.002+02:00

Kan nie dink dis al klaar weer herfs nie. So asof die jaar net VLIEG! Steeds warm in Gauteng, baie warm, maar verkies dit bo die koue! Sondagaand se optrede by Carnival City was heel lekker gewees!! Opwindend om saam met mense soos Sorina Erasmus (Flooze van 7e laan) en Nadine op te tree. Kan altyd by hulle leer!

Brumilda en Lise Swart was ook goed vir die lagspiere! Sexy gelyk in hul uitrustings! Dankie vir die wat daar was . Dink dis 'n vertoning wat nog wyd en suid kan plaasvind.

Onthou ek is Vrydagaand by die Blou Hond - as jy net na die vertoning wil kom kyk, R100.00 'n kaartjie, andersins R250.00, met 'n 3-gang-maaltyd ingesluit!! Vir besprekings, skakel: 011 782 4240.

Hoor graag van julle!

Helenè

NUWE JAAAAAR!!!!!!

2011-01-11T19:41:00.002+02:00

Voorspoedige nuwe jaar, julle! Mag dit ONS jaar wees! Mag jul drome bewaarheid word en julle wense vervul!

Ek sien regtig uit na 2011.

Weet ek gaan moet HARD werk om 'n treffer in die hande te kry, maar dis opwindend!! As jy 'n buitengewone mooi song het vir my - stuur dit tog aan, man. Ha! Wil regtig iets besonders op my nuwe cd opneem.

My e-posadres is: helenebester@gmail.com - hoor graag van jou en hou die blinkkant bo!

PS.: Bespreek solank jou kaartjie vir die "Diva's"-vertoning by Carnival City - 6 Maart!

Groete, Helenè

NOG 1 MAAND EN 11 DAE.....

2010-11-14T19:28:00.002+02:00

Kan jy dit glo??? Ja, dis kersfees, wat om die draai is! Voordat jy die lang pad vat, wat maak jy 7 Desember? En is jy nog in die Gauteng-area, 18 Desember?

Ek wil julle aanmoedig om op 7 Desember, by Rapport se kersfees-liedjie-aand, te kom kuier!! Dit sal plaasvind by die Centurion mall en ons kunstenaars gaan sing op 'n lekker vet verhoog, by die meer, ja!

Die eerste advertensie is vandag in Rapport geplaas. Lianie May gaan daar wees, asook die briljante acapella-groep, Navi Redd.

As jy nie die 7e kan maak nie, wat van die 18e? Carnival City! Elvis Blue gaan ook daar wees. Dalk net 'n lekker aandjie uit? Lewendige begeleiding en Jaconell (pianis van Noot-vir-Noot-faam) is die regisseur, van hierdie produksie!

Sterkte vir hierdie laaste "stretch", stuur gerus vir my e-pos na helenebester@gmail.com

Lekker aand

OKTOBER

2010-10-21T19:47:00.002+02:00

Ja, selfs Oktober, is amper verby! Baie dankie vir al julle briewe. Dis lekker om te lees en te weet dat mense jou musiek geniet. Ek sing môre-aand in Thabazimbi, vir almal wat belangstel en dalk naby bly!

Mag die res van Oktober jul goed behandel en hou die sonroom naby!

Amper lente

2010-08-10T11:18:00.002+02:00

Hallo, aan almal!! Hoe behandel die winter, julle? Nog net 21 slapies, dan's dit lente!! Wel, so hoop ek! Sien uit na somersklere en son. Kyk gerus na my shows, einde Augustus en die hele September. Miskien kan jy een bywoon? Kan nie wag vir my Kaapse "trippie", 25 - 29 Augustus. As jy enige nuwe en mooi "songs" het, mail vir my na: helenebester@gmail.com Dankie en mag die res van hierdie winter, goed wees, vir jou! Helenè

2010 is al 6 maande oud!

2010-06-01T15:52:00.002+02:00

Ja, kan jy glo?? Die tyd stap aan. Jozi is KOUD. Baie geluk aan almal wat die
Comrades gehol het. Al het jy dit nie klaargemaak nie, dis steeds great dat jy gekwalifiseer het! My bene pyn nog baie. Maar dit was vir my baie beter, as verlede jaar. Dalk omdat dit die 2e keer was. Ongelooflik hoe die "comrades" mekaar ondersteun, langs die pad en raad gee. Skryf bietjie vir my ook, toe? My adres is: helenebester@gmail.com

O, ja - vir die wat weet waar die N.G.-gemeente Aasvoelkop is - Jhb. Kom maak gerus 'n draai daar, Sondag. Die diens begin 09:00 - ek sing daar, ja.

Anders sien'k jul dalk by die Pretoria-skool se sg. "Winterbal" - Saterdagaand! Groete! Helene

Mei-maand

2010-05-17T19:34:00.003+02:00

Die tyd vlieg en die winter is hier. Vir drie weke lank is ek al getroud! Ek kan dit aanbeveel vir julle!

Die Comrades le om die draai (30 Mei) en ek weet nie of ek genoeg geoefen het nie.... Indien enigiemand vir my raad kan gee, pos sommer iets na : helenebester@gmail.com

Kyk ook uit vir die Junie-uitgawe van die Leef-tydskrif. Daarin kan jy meer te siene kry van my troue en lees wat'k met my loopbaan, in die toekoms, beplan.

Hierdie week het die N.G.-gemeente, Weltevredenpark, hul pinksterdiens. Regtig amazing. Woon dit gerus by, as jy in die omtrek is. 10:00 in die oggend en daar is ook aanddienste, nie seker van die tyd... Ek't vanoggend daar gesing en dit was so lekker. 'n Warm en sinvolle manier om jou dag mee af te skop, sou ek se!

Hoop die res van hierdie maand is goed vir jou!! Ons praat weer in Junie! Helene

LAASTE DAG VAN MAART!

2010-03-31T08:59:00.002+02:00

Hoe gaan dit op hierdie laaste dag van Maart ? Ek sit op Kaapstad-lughawe en berei myself (psigies) voor vir die 2 Oceans!!! 56 km, ja..... So hou maar duim vas!! Sterkte vir al die ander wat dit ook aanpak!! Sterkte vir die wat hul eerste halwe aanpak! Die 21!

Hou solank 15 Mei oop - ek sing by die LemonJack-teater, Eldoraigne. Dis 'n rustige, warm plekkie en jy kan lekker daar kom ontspan. Vir navrae, skakel: 083 512 4241 - praat met Christel.

Mooi dag en mag April 'n goeie een wees!

Negende dag van Maart!

2010-03-09T12:21:00.004+02:00

Hoe behandel die maand van Maart, julle? Herfs begin so stuk-stuk, ne? Kan nie GLO hoe die jaar vlieg nie!!

Intussen het ek my nuwe video gemaak, van die liedjie, EK WOU JOU GESOEN HET. Soos reeds genoem, het Sarah Theron dit geskryf. Dink dis 'n stunning video!!

So hou Kyknet dop, behoort een van die dae te "rol"! Sal jul terugvoer waardeer en onthou om vir my te skryf by: helenebester@gmail.com

Mag hierdie maand net die beste vir julle inhou!

Groete! H

2010-03-09T12:21:00.001+02:00

Liefdesmaand

2010-02-15T19:54:00.002+02:00

Sjoe, wat 'n BESIGE naweek! Maar moet se al die 'gigs' was lekker!! Van Bethal na Randfontein, na Pierneefteater (Pta.) en Newlands (Jhb.)

Dankie vir julle ondersteuning, tydens hierdie geleenthede!!

Hoop jy't jou valentyn bederf?

Ek beplan 'n toer vir Mei-maand. So laat weet my, as jy wil he ek moet in jou kontrei kom sing. Ek maak ook Woensdag (17 Feb.) my nuwe musiekvideo! Sien BAIE uit!

Sarah Theron het hierdie nuwe musiekvideo se liedjie geskryf: "Ek wou jou gesoen het" - ja, as jy my nuwe cd het, sal jy dit ken!

Skryf vir my by helenebester@gmail.com - sien uit na jou brief!!

Ons trek by die 20e dag in 2010!

2010-01-20T13:55:00.002+02:00

Hallo, almal! Hoe voel die nuwe jaar sover? Myne kom stadig, maar seker aan die gang. Kan nie glo dis al 20 Januarie nie! Onthou valentyns-naweek, is ek heel besig, hoop om jul êrens raak te loop!

Vrydagaand die 12e Februarie in Bethal, Saterdagoggend in Randfontein (13e), Saterdagaand by die Pierneefteater en Sondagoggend (14e) by die N.G.-gemeente Newlands.

Stuur gerus vir my 'n possie en ek gesels met jou. As jy wil hê, ek moet in jou omgewing optree, skakel gerus my agent, Theresa du Preez - 011 880 1027 / theresa@thesixthsense.co.za!

Groete en sterkte vir die res van jou week!

2010 IS IN SIG

2009-12-17T11:35:00.002+02:00

So, hoe voel julle oor die nuwe jaar? Ek is nogal lus om wyd en suid op te tree. So laat weet my as jy my in jou dorp wil sien en ons maak 'n plan! Onthou om vir my e-pos te stuur na: helenebester@gmail.com Onthou om my nuwe cd vir julle aan te skaf! Dis: "Grootste treffers" - Helenè Bester.

Bespreek ook sommer nou al vir julself 'n plekkie by die Pierneefteater? Ek sing 13 Februarie daar, ne? 'n Dag voor valentynsdag! So bring jou metgesel en laat ek vir julle SING!

Die van julle wat julself in Bethal begeef - ek's daar - 12 Februarie. Kom luister gerus by die N.G.-moedergemeente na my nuwe begeleier se klavierspel (sy naam is Lafras vd. Watt) en nuut-geskryfde Afrikaanse liedjies!

2009-12-04T14:15:00.002+02:00

Dit is Desember! Kan nie glo nie, kersfees is om die draai! Onthou om my nuwe cd: "Grootste treffers" aan te skaf vir jou mense, hoor? Hehe! Dis beskikbaar in alle goeie musiekwinkels.

Hoop julle ALMAL se kersfees is GESEëND en dat die nuwe jaar net die beste vir jul sal beteken!

Ek sing nog Sondagoggend (6 Desember) in Evander (N.G.-gemeente) en Sondagaand in Kemptonpark (N.G.-gemeente). Kom loer in, as jy in die omgewing is. Op 23 Desember is ek in Jeffriesbaai! Op die Huisgenoot-verhoog, so kom groet gerus!

As jy dringend met my wil gesels, stuur gerus e-pos na: helenebester@gmail.com

OKTOBER!

2009-10-13T13:31:00.003+02:00

Hallo, julle! So bly die somer is hier. Sien ook uit na somer-'shows'. Ek sing Sondagoggend, 18 Oktober, by die Rant-en-Dal N.G.-gemeente, Florida. Kom loer gerus in, as jy in die area is.

Besoek ook bietjie die webwerf van "Kadot en die profete" (http://www.kadot.co.za/) - 'n kinder-dvd wat ek saam met Ivan Botha ("Getroud met rugby"-faam) en Lochner de Kock gemaak het. Hierdie dvd sal 'n oulike kersgeskenk maak en is gemik op die teikenmark, van 3 jaar en ouer.

As jy Saterdagaand by die huis is en DStv het, kyk DKNT, ek gesels oor die nuwe cd en interessante dinge wat in my lewe gebeur.

Ek is 4 November in Stellenbosch. Kom maak 'n draai by die Dorpstraatteater, 8nm! Kom luister na die bekendstelling van my nuwe album! Hilandi du Toit begelei my - die wat haar ken, weet dat sy kan!

Wil julle ook herinner aan my cd-vrystelling - 12 November by die Centurionteater. Dit is getiteld: "Grootste treffers", bestaan dus uit die vorige 3 albums se hoogtepunte en twee nuwe treffers! Ek sing met lewendige begeleiding en ja, Mariëtte Galjaard speel kitaar!

Mooi week, daar! Skryf gerus vir my - ek het 'n ander e-posadres, ook: helenebester@gmail.com

Tatta!